Kristiano Ronaldo i ka hedhur sytë drejt nëj rekordi, që do ta bënte atë edhe më shumë një legjendë të futbollit botëror. Sulmuesi i Portugalisë dëshiron me çdo kusht që të bëhet golashëuesi më i mirë në historinë e përfaqësuesve. Pasi ka shënuar 102 gola me Portugaline duke u bërë europiani më i suksesshëm, Ronaldo i ka ngulur sytë rekordit që mbahet nga iraniani Ali Daei.
Ky i fundit ka shënuar 109 gola në 149 ndeshje të luajtura me përfaqësuesen, e cila në zonën e Azisë sigurisht kishte një rrugëtim më të lehtë në eliminatore dhe për të shënuar gola. Vetë ish-sulmuesi iranian, shprehet i bindur se Ronaldo do ta kalojë shumë shpejt rekordin e tij dhe të bëhet unik në futbollin botëror.
“E shpresoj sinqerisht që Kristiano të arrijë rekordin tim me gola të shënuar me kombëtaren. A do të më vinte keq? Aspak, do të ishte nje nderim për mua nëse një futbollist i kalibrit dhe klasit të tij do të mund ta bënte këtë gjë. Ai është një nga lojtarët më të mirë të kësaj epoke, por të të gjitha kohëve. Do ta përgëzoja, por më parë duhet ta thyejë. Jam i sigurt që do ta thyejë rekrodin tim, por i duhet të shënojë edhe 7 gola të tjerë më parë”, ishin fjalët e ish-sulmuesit i cili tani ka filluar një karrierë si trajner. /vipsport/
