Tre dite me pare nga Minsku, 9 prej drejtuesve te larte te klubeve te Superliges shqiptare, kane rene dakord qe kampionati i kategorise Superiore te mos nise me 12 shtator siç ka qene planifikuar por te shtyhet per nje date tjeter. Nje vendim i tille nga anetaret e Liges Profesioniste eshte marre ne shenje revolte ndaj Qeverise e cila i ka neglizhuar kater kerkesat e tyre.
Ne keto rrethana tashme duhet pritur se çfare do te ndodhe. Ai qe ka folur diçka me shume ne lidhje me kete proteste, ka qene sponsori i Vllaznise Alban Xhaferi i cili ka qene i pranishem ne mbledhjen e klubeve te zhvilluar ne Bjellorusi.
“Eshte e sigurte qe kampionati nuk do te filloje me 12 shtator. Kjo sepse i jane bere disa kerkesa kryeministrit Rama te cilat shpresojme te zgjidhen sepse eshte shume e rendesishme qe futbolli te futet ne strukturen e vet dhe te vleresohet si biznes.
Qeveria duhet t’i krijoje te gjitha masat lehtesuese qe te ofroje biznesin ne sport dhe te ofroje nje filozofi te re te drejtimit te klubeve sportive.
Une mendoj se Qeveria duhet te reflektoje dhe t’i plotesoje kerkesat qe ne kemi bere sepse te gjithe presidentet e klubeve e kane vendosur ne menyre unanime se pa plotesimin e kerkesave, nuk do te kete nje fillim te sezonit te ri”- eshte shprehur sponsori i klubit shkodran.
www.shkodrasport.com
