Ep Com Hajvalia ndonese me disa probleme sa i takon fillimit me vonese te pergatitjeve, sot ne fushe ndaj Vllaznise u tregua shume dinjitoze dhe tentoi deri ne fund qe te pakten ta çonte ndeshjen ne shtese. Nuk ia doli dhe natyrisht qe per kete nuk fajesojne mungesen e fatit, por urojne Vllaznine.
Nje gje te tille e ben edhe trajneri i kampiones kosovare Musa Selimi qe ne nje prononcim per media pas ndeshjes, e ka pranuar se skuadra shkodrane i ka te gjitha shanset per ta fituar edhe finalen e ketij grupi te shtunen ndaj islandezeve te Valur.
“Ne rradhe te pare falenderoj organizatoret, klubin Vllaznia per gjithe kete organizim te shkelqyer. Rezultati sigurisht qe nuk eshte ne favorin tone, por une jam i kenaqur me vajzat qe paten paraqitje dinjitoze. Shenuan dy gola shume te bukur, por u pa qarte se fillimi vone i pergatitjeve ndikoi ne lojen tone.
Nga ana tjeter, sigurisht qe Vllaznia eshte nje ekip me pervoje, ka nje organizim te shkelqyer dhe i uroj ta kaloje grupin dhe te shkoje sa me lart. Ekipit tone nuk i mbetet gje tjeter veçse te fitoje per vendin e trete me kampionen e Turqise dhe te kthehet ne kampionat per te dale serish kampion dhe per t’u rikthyer serish ne Europe por duke u organizuar me mire.
Une mendoj se Vllaznia ka me shume shanse se Valur per ta fituar finalen e ketij grupi. E them kete sepse teknikisht ekipi i Vllaznise eshte me kerkues, por duhet te bejne kujdes ne aspektin taktik sepse islandezet jane te gjata dhe fiziku i tyre nuk te lejon te luhet me topa te gjate, por une e perseris shpresoj qe Vllaznia ta kaloje kete grup dhe te ecin me tutje”./SHKODRA-SPORT.COM/
