Mbrojtesi Flori Spahija ka rezultuar vendimtar sot per Vllaznia U17 duke e ndihmuar ate te fitoje ndeshjen e rradhes ndaj Internacionalit me rezultatin 3-1. Ai ka shenuar dy prej golave me percaktues te takimit dhe kesisoj i ka dhen tre pike kuqebluve.
Padyshim qe golat e sotem dhe loja e mire e tij, evidentojne serish vlerat e tij si futbollist dhe jo me kot eshte edhe kontigjent i kombetares se kesaj grupmoshe.
Lojtari i linjes se majte ka shenuar qe ne minuten e 9-te pas nje gjuajtje me koke brenda zones se kundershtarit dhe duke kaluar ne avantazh ekipin shkodran.
Megjithate miqte kane reaguar dhe ne minuten e 23-te kane arritur te barazojne. Ne kete menyre pjesa e pare e kesaj ndeshje te luajtur ne fushen sportive “Reshit Rusi” eshte mbyllur ne barazim 1-1.
Edhe ne fillimin e pjeses se dyte loja ka patur rivalitet dhe tek Vllaznia ndikonte dukshem loja e kapitenit te saj Papaj i skualifikuar per arsye kartonash.
Por ne mungese te tij rolin e liderit te ketij ekipi e ka marre ne dore Spahija qe madje eshte shfaqur edhe si golashenues duke shenuar edhe te dytin ne minuten e 59-te. Nje gol ky qe i dha frymemarrje ekipit Vllaznia U17 e cila shtate minuta me vone do te shenonte edhe golin e trete me ane te Alivodes dhe kesisoj i gjithe takimi eshte mbyllur me fitoren 3-1 ne favor te saj.
Me kete fitore, ekipi shkodran eshte ngjitur ne kuoten e 23 pikeve dhe mban vendin e dyte te renditjes duke qene praktikisht brenda objektivit te saj.
www.shkodrasport.com
