Rëndësia e ndeshjes së sotme është shumë e madhe për Vllazninë sepse më shumë sesa renditja në kampionat, vlen për të rikonfirmuar formën e saj të mirë teksa ka tre ndeshje që nuk humbet. Dy barazimet me Skënderbeun dhe fitorja me Kamzën, janë treguesit më të mirë për këtë. Sot do kërkohet të mos humbet në Durrës. Për trajnerin Vata është shumë pozitiv fakti që ka në dispozicion thuajse të gjithë lojtarët. Me kthimin pas dëmtimeve të Krajës dhe Gocajt, me shumë mundësi, Vllaznia do të luajë sot me të njëjtin formacion që ka luajtur javën e kaluar ndaj Kamzës. Pra, me Vujadinoviç në portë, Gocajn, Krajën, Vuk dhe Belishën në mbrojtje, me Popoviç, Moreno, Brnoviç e Smajli në mesfushë ndërsa në sulm pritet të jetë dyshja Hajdari- Jabllan. Sykaj mësohet madje se nuk është grumbulluar fare për këtë ndeshje.
www.shkodrasport.com
