Vllaznia e basketbollit për meshkuj është duke bërë një paraqitje të mirë, teksa nesër do të vijojnë garën e tyre në Ballkan Ligë. Ekipi shodran po mendon seriozisht për të përforcuar radhët, duke gjetur akordin me lojtarin amerikan Kahron Ross, që luan si playmaker.
25 vjeçari është një lojtar me eksperiencë, që është aktivizuar më herët me Karlstruhe në Gjermani. Ai do të vendoset menjëherë nën urdhrat e trajnerit Vujaçiç, për të vijuar stërvitjen me grupin.
Njoftimi i Klubit të Basketbollit Vllaznia:
Blerja më e re e kuqebluve të koshit, playmakeri 25-vjeçar, amerikani Kahron Ross i cili sezonin e shkuar ka luajtur për Karlsruhe ProA në Gjermani, sapo është nisur drejt Shqipërisë, ku pritet të mbërrijë në orët e para të mëngjesit të datës 14 Janar 2020, për tu vënë menjëherë nën urdhrat e teknikut malazez Darko Vujaçiç./newsport/
