Sonte në mbrëmje Lazio pret në shtëpi Bolognan, ndeshje e vlefshme për javën e 37 të Serie A. Sportmediaset raporton formacionin e mundshëm dhe shihet që lojtari i kombëtares shqiptare, Thomas Strakosha nuk do të jetë zgjedhja e parë e trajnerit Inzaghi. “Gardiani” do të jetë në stolin e rezervave, ndoshta për të marrë pak pushim.
Lazio thuajse i ka mbyllur objektivat në Serie A, pasi një vend në Champions tashmë është thuajse i pamundur, kurse ende ka shpresë për në Europa League.
Pak ditë më parë, Lazio fitoi Kupën e Italisë në finalen me Atalantan, ku e kanë fituar takimin me rezultatin e pastër 2-0.
