Ejntraht Frankfurt nuk shkoi më shumë se një barazim pa gola në shtëpi në përballjen e Ligës së Europës ndaj Interit.
Gjërat mund të kishin shkuar më keq për Ejntrahtin në pjesën e parë, duke qenë se penalltinë e fituar nga Lautaro, mesfushori Brozoviç nuk arriti ta kthente në gol pasi e priti portieri Trap.
Në ekranet e TV nuk është vënë re, por pas portës së Trap ka qëndruar një shqiponjë e cila shihet si fatjsellëse për klubin gjerman dhe në fakt ndaj Interit, ashtu rezultoi.
Shqiponja Atila është simboli i klubit gjerman dhe në raste të shumta, qëndron e lidhur pas portës në mënyrë që të sjellë fat për ta.
Logoja e klubit të Ejntrahtit ka një shqiponjë sio simbol dhe pikërisht ky shpend shihet si fati i tyre.
Të shumta kanë qenë rastet kur edhe Lacio ka marrë një shqiponjë për fat, ndërkohë që shqiponja e Lacios ka fluturuar edhe rreth e qark stadiumit ‘Qemal Stafa’. /VipSport/
