Tre ndeshje, kater gola te shenuar dhe Eraldo Deda eshte shnderruar ne protagonistin kryesor te Vllaznia U21 ne keto jave te para te kampionatit.
Dy prej ketyre golave ai i ka shenuar ne ndeshjen e sotme ndaj Kastriotit duke ndihmuar ekipin e tij qe te fitonte me rezultatin 4-3.
Por gjate takimit te luajtur ne fushen sportive “Reshit Rusi”, ka rene ne sy edhe nje moment interesant dhe qe ndoshta tregon me se miri edhe arsyen pse ky lojtar po kalon kete forme.
Ndonese 19 vjeçari stervitet me ekipin e pare, duke mos gjetur hapesira aty, ka pranuar me shume kenaqesi qe te luaje me ekipin e 21 vjeçareve dhe kete po e ben ne menyren me te mire te mundshme. Trajneri i ketij ekipi Fatjon Hasani e ka pritur mjaft mire dhe po e mbeshtet ashtu si duhet.
Kjo ndoshta eshte arsyeja pse pas golit te pare te shenuar sot ndaj Kastriotit, pas nje skeme shume te bukur, Deda ka vrapuar drejt pankines per ta ndare festen e ketij goli me trajnerin Hasani.
Dhe ajo çka tregon me se miri edhe kjo foto, eshte maredhenia qe ekziston mes ketij trajneri dhe lojtarit ne fjale. Mes tyre nuk ka patur thjesht nje tokje duarsh siç ndodh rendom apo ndonje perqafim per inerci.
Kjo foto e te mirenjohurit Mikel Thepina flet shume. Trajneri Hasani e ka ngritur ne ajer futbollistin e tij ne momentin e festimit te golit. Ja pse Eraldo Dede po luan mire dhe padyshim qe e ardhmja flet per te, sepse punon fort çdo dite ne stervitje dhe shfrytezon çdo moment qe i jepet per te treguar vlerat e tij./SHKODRA-SPORT.COM/
