Tifozët e Partizanit kanë treguar shpesh herë që janë ndër tifozeritë më të organizuara në trevat shqiptare dhe kjo mjafton të shihet në stadium, kur luan Partizani e sidomos ndaj ekipeve më me emër.
Në takimin e fundit ndaj Skënderbeut, në stadiumin “Selman Stërmasi” ishin rreth 6 mijë tifozë të kuq, të cilët nuk pushuan për asnjë moment, megjithëse skuadra e tyre u mund 0-2.
Nga banderolat e shumta të hapura në stadium, binte në sy njëra e cila lidhje me Greqinë. “1 grek më pak, 1 bastard më pak”, shkruhej në banderolën e cila u shpalos për disa minuta nga tifozët e kuq. Kaq ka mjaftuar, që grekët të çmenden dhe të nisin me akuza për provokime, duke e kthyer gjithçka në politikë.
Mediat e ndryshme greke, e lidhin këtë banderolë me vrasjen e Kostandinos Kaçifas pak ditë më parë nga forcat RENEA, ndërkohë që në lajmet e tyre përmenden edhe emrat e politikanëve shqiptarë.
“Edi Rama tha se grekët janë nacionalistë, por nuk i sheh tifozët në mes të kryeqytetit”, shkruante një gazetë greke. Natyrisht, si grekët ashtu edhe serbët e kanë të vështirë kur përballen me banderola të ndryshme dhe me urrejtjen e shqiptarëve. “Provokacija”, do thonin miqtë e grekëve. /VipSport/
