Po, po, e keni lexuar mirë. KF Maliqi në Kategorinë e Dytë shqiptare ka tashmë sponsor në fanellën e vet një klub striptize të qytetit të Korçës. Skuadra e cila lufton për ngjitjen në Kategorinë e Parë ka bërë ndryshimin kohët e fundit dhe ka marrë këtë sponsor i cili në fakt nuk u premton pagesë në para, por në “natyrë”.
Deri pak muaj më parë, klubi kishte si sponsor në fanellën e tij një kompani bastesh sportive por me ligjin e ri është detyruar të ndryshojë dhe ka kërkuar ndihmë nga biznesi lokal.
Ata që janë ofruar të gatshëm të ndihmojnë klubin ishin pikërisht drejtuesit e një lokali striptize në Korçë, të cilët kanë gjetur akordin me skuadrën për vijimin e këtij sezoni.
Kështu, emri i lokalit të natës gjendet në fanellate e Maliqit dhe skuadra ka luajtur dje me to, ndërsa ka marrë një premtim për shpërblimet e fitoreve. “Platinum promovon jetën e shëndetshme sportive dhe argëtimin. Kënaqësi që KF Maliqi mban logon tonë. Ekipi përfiton argëtim falas pas çdo fitoreje. Suxese Çuna!”, shkruhet në faqen e lokalit të natës./vipsport/
