Një nga rregullat që thyhet më shumë në futboll është padyshim lëvizja e portierëve në momentin e ekzekutimit të penalltive. Në një vëzhgim vetëm të penalltive të goditura në dy ndeshjet e ditës së djeshme, Spanjë-Rusi dhe Kroaci-Danimarkë, në 15 nga 19 të tilla, portierët lëvizën para se lojtarët të godisnin.
Lëvizja para se lojtari të godasë topin nga pika e bardhë, është e ndaluar në rregullore sepse automatikisht zvogëlon hapësirën e mundshme të portës për të shënuar.
Edhe pse në këtë Botëror është përdorur edhe VAR-i, në këto raste ai nuk është vënë në përdorim, dhe arbitrat nuk kanë përsëritur asnjë rast.
Më poshtë, disa sekuenca ku portierët kanë lëvizur para momentit të ekzekutimit të penalltisë.
