Skuadra e Kukësit po vijon me përgatitjet për Champions League në Slloveni, ku do të përballet me skuadrën e Valleta-s në raundin e parë eleminator.
Nënkampionët e vendit deri më tani kanë bërë një merkato shumë të mirë, duke marrë edhe lojtar nga skuadrat e tjera të Superiores dhe një prej tyre është Arlind Kalaja, i cili në një postim në rrjetet sociale, shihet me fanellën e skuadrës duke u stërvitur.
Në fakt, nuk ka munguar edhe komenti i Edon Hasanit, i cili ka komentuar duke thënë me ironi se ushtrimet janë të nevojshme, por nuk bëhen as para dhe as pas gardhit.
“Ushtrim i nevojshëm Arlind, por nuk bëhet as para dhe as pas gardhit”, shkruan Hasani.
Kujtojmë që Edon Hasani aktivizohet në Iran te skuadra e Sepahan, ndërkohë që deri në vitin 2017 ishte pjesë e skuadrës së Vllaznisë.
