Ndeshja që do të startojë ditën e nesërme Botërorin e Rusisë, është takimi mes Francës dhe Australisë.
Tifozët presin me kërshëri të shohin kombëtaren franceze në fushën e lojës, teksa elementet që pritet të shpërthejnë në këtë Botëror nga ana e tyre, janë vërtetë të shumtë.
Franca
Franca është padyshim favorite kryesore për të fituar këtë ndeshje, madje pritshmëria është edhe për goleadë. Kombëtarja që drejtohet nga ana e Deshamp vjen pas dështimit në finalen e Europianit të shkuar, atje ku humbën përballë Portugalisë.
Dyshimet janë rritur mbi aftësitë e këtij trajneri dhe Botërori i Rusisë është mundësia më e mirë, që Deshamp të bëj autokritikë.
Kjo autokritikë ka nisur në fazën e grupeve gjatë eliminatoreve të Botërorit, teksa Franca humbi vetëm një ndeshje ndaj Suedisë, ndërsa në fund e mbylli 4 pikë avantazh sipër tyre.
Që nga kualifikimi francezët kanë mbajtur formën e tyre duke humbur vetëm 1 nga 6 ndeshjet e fundit dhe duke shënuar 13 gola.
Ka një mori arsyesh që e shohin si favorit ekipin e Deshamp në ditën e nesërme, megjithatë ka vend edhe për një statistikë të veçantë.
Franca nuk i diskuton asnjëherë Kombëataret që renditen poshtë vendit të 20 të renditjes së përgjithshme në FIFA.
Kur përballen me Kombëtaret që vendosen mes pozicioneve të 20 dhe 40, grupi i lojtarëve që drejtohet nga Deshamp, ka fituar 9 nga 11 përballjet e tij dhe Australia renditet e 26-ta.
Australia
Australia ka një mision më shumë sesa të vështirë në ditën e nesërme, pasi duhet të ndali një nga Kombëtaret favorite për të triumfuar në Rusi.
Rrugëtimi në grupet kualifikuese nuk mbaroi në mënyrën më të mirë për Australinë, që u rendit në vendin e tretë pas Japonisë dhe Arabisë Saudite. Megjithatë fitimi i duelit ndaj Hondurasit, e dërgoi grupin e lojtarëve të Marëjik në Botëror.
Pas kualifikimit Australia ka kaluar një formë të mirë, teksa ka shënuar 6 herë në fitoret mbreslënëse ndaj Çekisë dhe Hungarisë në miqësoret e zhvilluara së fundmi, ndërsa ka marra vetëm 2 humje në 6 takimet e fundit.
Që nga viti 2011, ata kanë shënuar në 7 nga 10 takimet e fundit, përballë skuadrave që vendosen në TOP 10 pozitat e renditjes së përgjithshme nga ana e FIFA-s dhe Franca renditet e 7-ta. Përvoja e trajnerit holandez në Kupën e Botës mund të jetë vendimtar për Australinë.
Historiku dhe lojtarët
Australia dhe Franca janë ndeshur 4 herë së bashku, teksa australianët kanë fituar një takim, francezët dy herë dhe ndeshja tjetër që ka përfunduar në barazim.
Takimi i fundit i zhvilluar mes tyre në miqësore ka përfunduar me rezultatin 6-0 në favor të skuadrës së Deshamp.
Vëmendja më e madhe në ditën e nesërme do të jetë e drejtuar nga ylli Grizman, që pritet të udhëheqë Francën drejt fitores.
Megjithatë Mbape dhe Dembele pritet të jenë një shqetësim konstant për portierin kundërshtar. Ndërkohë nga ana tjetër Australia do të kërkojë befasinë në sulm me talentin e Sëlltik, Tom Rogic, ndërsa në sulm pritet t’i besojë Tomi Juriç. /vipsport/
