Pas seleksionimeve të bëra në Durrës dhe Korçë, rradha i ka ardhur Shkodrës për të bërë përzgjedhjen e futbollistëve më të mirë për ekipet kombëtare të moshave.
Në “Reshit Rusi” kanë zbritur paraditjen e së mërkurës i gjithë stafi i sektorit teknik pranë Federatës Shqiptare të Futbollit dhe përballë tyre kanë qenë mbi 100 futbollistë të moshave të ndryshme, të përzgjedhura nga ekipet e Zonës së Shkodrës.
Sulejman Mema, përfaqësues i Federatës në këto seleksionime, në prononcimin e tij për mediat ka shpjeguar se seleksionimet e sivjetme janë diçka ndryshe nga ato të viteve të kaluara.
Nga ana tjetër, i pyetur nëse kanë vëzhguar lojtarë cilësorë në Shkodër, Mema e pranon që ka lojtarë të tillë, por sipas tij, puna me to duhet thelluar edhe më shumë.
Pas seleksionimeve të bëra në Shkodër, puna do të vazhdojë me të tjera seleksionime në mënyrë që në fund pastaj të përzgjidhen lojtarët më të mirë për çdo grupmoshë për të formuar ekipet kombëtare të Shqipërisë që do të përfaqësohen në arenën ndërkombëtare.
© shkodrasport.com
