Ditën e diel, me datën 8 tetor, do të nisë edhe Kampionati Kombëtar i volejbollit për të rinj, ndërsa një javë më pas, me datën 15 tetor, do të nisë edhe kampionati i të rejave. Sipas asaj që ka bërë të ditur Federata Shqiptare e Volejbollit, në kampionatin e të rinjve do të marrin pjesë 10 ekipe që do të luajnë të gjithë në një grup.
Vllaznia në ndeshjen e javës së parë do të presë në Shkodër ekipin e Shkumbinit. Ndërsa po sipas shortit të hedhur, tek kampionati i të rejave, në të cilin do të marrin 19 ekipe të ndarë në tre grupe dhe Vllaznia do të marrë pjesë në grupin A bashkë me Korabin, Tiranën, Besëlidhjen, Mirëditën dhe ekipin privat MSD. Pikërisht me këtë të fundit, vajzat shkodrane do të luajnë ndeshjen e parë të kampionatit.
© shkodrasport.com
