Pas Kinës është Arabia ajo që synon të sundojë në tregun futbollistik.
Lajmi i bujshëm vjen nga mediat italiane dhe më konkretisht “Gazzetta dello Sport” që zbulon se një grup investitorësh arabë janë munduar të blejnë një pjesë të aksioneve të skuadrës italiane të Milanit.
Sipas burimeve të gazetës italiane, aksionet e pretenduara nga grupi arab janë jo më shumë se 30%. Megjithatë, kjo marrëveshje pritet të mos marrë dritë jeshile nga grupi amerikan Elliott, që në deklarata të ndryshme për mediat kanë konstatuar se e kanë forcën financiare për të përballuar një skuadër legjendare si Milanit.
Gjithsesi, edhe në rast se ndodh një shitje e kësaj pjese të aksioneve, Elliott do të mbetet nën kontrollin e klubit dhe do të përfitojë nga ndarja e kostove me fondin, si dhe çdo injektim të të ardhurave në të ardhmen./newsport/
