Opinion nga Aleksandër Kaçi
Shumë ish- futbollistë, sportdashës, specialistë, drejtues të futbollit në Shkodër po flasin për Vllazninë, skuadrën që përfaqeson futbollin e Shkodrës sot. Unë në fakt në lidhje me këto komente ngre disa pyetje. A përfaqeson Vllaznia e sotme futbollin shkodran sot? A eshte sot ky ekip ne nivelin dhe traditen qe mbart ky ekip si perfaqesus i futbollit shkodran? A jane ne nivelin dhe lartesinë e duhur stafet drejtuese e teknike te ketij ekipi? A mund te behet me shumë, me pak para nje Vllazni ma e mire se kjo e sotmja? Personalisht me vjen shume keq se ne komentet e auditorit te gjere pak i gjej keto pergjigje. Me ka pelqyer shqetesimi i Ymer Striniqit i cili ne gjykimin tim i ka ngritur disa nga keto shqetesime. Ndersa ne mode shoh perkrahjen ose jo te postit te trajnerit, bile te paargumentuar por thjesht sipas shijeve te personave te caktuar. Po Kryetari i bordit, qe eshte personi shumë i rendesishem ne gjithçka qe futbolli ne Shkoder paraqitet nepermjet Vllaznise kryesisht, si po e kryen detyren? Eshte nje kompleks ndikimesh qe duhet arsyetuar. Dhe kjo nuk po ndodh, ndaj dhe futbolli ne Shkoder me shumë sot po i ngjan nje paraqitje momentale se sa nje futbolli me bazament e strategji qe premton. E per kete duhet staf drejtues e staf teknik bashkekohor. Personalisht me vjen te qesh shpesh me deklaratat e Kryetarit te Bordit i cili ne vend qe te merret me cilesinë e organizimit te klubit, pa fature leshon deklarata percaktuese mbi ecurinë e teknikut. Po keshtu ne vend qe te krijoje nje strategji te qendrueshme me teknike si trajnere te ekipeve zinxhir te Akademise apo duke studiuar me shume imtesi nje trajner per Vllaznine qe te premtoje përgatitje bashkekohore, gjak Shkodre e vazhdimesi, na sugjeron trajner qe mbajne vetem nje kembe e nje sy ne Shkoder. Mos te harrojme se kryetaret e bordeve ne Bote si rasti Galianit…etj…etj, jane jo vetem pergjegjes por garancia e rezultateve te klubeve qe perfaqesojne. Une personalisht nuk arrij ta kuptoi qe pergjegjesia sot mbi ecurinë e Vllaznise lakohet rreth trajnerit. Ne fakt ecuria e sotme, hartimi i strategjise per te ardhmen, prodhimi i talenteve te reja, perzgjedhja e stafeve teknike, krijimi i kushteve e infrastruktures sportive e gjithçka qe lidhet me futbollin ne Shkoder, eshte pergjegjesi e Bordit Drejtues e kryesisht e Kryetarit te Bordit. Une personalisht mendoj se Kryetari i Bordit sot duhet te jete nje individ shume i kualifikuar ne fushen e sportit, detyrimisht me pervoje perendimore. Personalizimet e problemeve te futbollit sot ne Shkoder, personalisht me ngjajne ma shume me thashethemet se sa nje kontribut per futbollin modern qe kerkohet sot dhe neser. Aktualisht ky futboll i sotem me ngjan me deshiren per te kaluar dhe diten e radhes, por qe i ben nje dem te madh kesaj loje popullore. Diferencat ne vend qe te ngushtohen me Europen, ato perdite e ma shume po thellohen. Te gjithë jemi deshmitarë qe skuadra jone e zemres ka rivalizuar ne kontinent, bile duke u ballafaquar me shume cilesi. Dy tre vitet e fundit kjo nuk po ndodh. Dhe perspektiva ne horizont nuk premton se do kemi shume permirësim. Ndaj duhet menduar thelle, duhen evidentuar problemet. Dhe kete, te mos mendojne se mund ta bejne njerez te pakualifikuar. Kete te mos mendojne se mund ta bejne individ qe kanë degjuar per futbollin europian. Jo, kete mund ta bejne ato qe kanë qene pjese e futbollit modern boteror e europian, dhe qe kanë pase rezultate te mira aty. Kete mund ta bejne njerez qe e kane ne gjak kete loje por qe kane dhe ndershmerinë e perkushtimin e duhur ne nivele europiane. Perndryshe, ne kete gjendje qe e shoh futbollin sot ne Shkoder kam pak shprese per levizje drejt cilesise qe rivalizon. Kjo gjendje me ben te mendoj se futbolli sot ne Shkoder eshte ne nje udhekryq te pashpresë!!!
