Ndonëse futbollistët e Vllaznisë kanë qenë me pushime këto ditë festash, në fakt ata vetëm dy ditë nuk kanë qenë në fushën e stërvitjes. Pikërisht më datë 31 dhjetor dhe më 1 janar. Kjo sepse nga dita e sotme, ata kanë qenë sërish në fushë duke zhvilluar stërvitje individuale. Trajneri Gjoka u ka lënë secilit prej tyre një plan individual stërvitje për këto ditë dhe deri më 5 janar kur ekipi do të niset drejt Ulqinit.
Por në fakt, futbollistët e Vllaznisë që prej ditësh së sotme kanë qenë thuajse të gjithë sëbashku duke zhvilluar stërvitje në fushën sportive “Reshit Rusi” dhe kanë zhvilluar një stërvitje të lehtë. Në krye të tyre ka qenë kapiteni Gilman Lika dhe kjo gjë do të vazhdojë në këtë mënyrë edhe nesër e pasnesër, para se ekipi të grumbullohet ditën e premte për të marrë rrugën drejt Malit të Zi.
© shkodrasport.com
