Përveç zgjedhjes së presidentit të FSHF-së, në Asamblenë e djeshme të është votuar edhe për nëntë anëtarët e Komitetit Ekzekutiv, ku në garë ishin 23 kandidatë.
Sipas listës së nxjerrë dje nga komisioni që numëroi votat, doli se fituesi i fundit me më pak vota ka qenë Edmond Spahiu. Por, në të vërtetë ka pasur një ngatërresë në votime.
Kristjan Gjidodaj, kandidat i ardhur nga qarku i Lezhës, ka pasur pretendimet e tij se është bërë një ngatërresë në numërim dhe ka kërkuar rinumërim të votave.
Dhe në rinumërimin e dytë ka rezultuar se Gjidodaj ka pasur 17 vota Spahiu 14 vota. Sipas tij do të mbahet një tjetër procesverbal dhe ai do të jetë anëtari i ri i Komitetit Ekzekutiv të FSHF-së.
Gabimi është pranuar nga anëtarët e komisionit që kanë numëruar votat. /EDS/
