Juban-Danja dhe Tirana AS nuk kanë shkuar më shumë se një barazim mes tyre që në javen e parë të kampionatit shqiptar të futbollit të femrave. Qyteti i Shkodrës përveç Adës ka patur dhe një takim tjetër të futbollit të femrave atë mes dy rivaleve. “Juban-Danja” nënkampionja e sezonit të kaluar me përforcimet e realizuara gjatë merkatos së verës, hyri në fushën e lojës me pretendimin e qartë për të fituar tri pikët e para. Por nuk qëndronte aspak më poshtë dhe ekipi i Tiranës që ndryshe nga sezoni i kaluar ka hyrë me ide të qarta për të qenë një skuadër pretenduese. Për hir të së vërtetës ndeshja starton më së miri për ekipin e Jubanit që hidhet i gjithi në sulm në kërkim të golit. I gjithë takimi në tërësi është dominuar nga vajzat vendase të cilat në të vetmin moment që ishin të pasakta pësuan golin e disavantazhit. Në pjesën e parë, pikërisht në të 16′ është Seranaj që ekzekuton bukur një goditje dënimi e cila përfundon në rrjetë. Ndeshja u duke se pas këtij goli do të fliste për Tiranën por ndodh e kundërta. Vajzat nga Jubani nuk e pranojnë humbjen dhe vijojnë serinë e aksioneve sulmuese duke transferuar lojën vetëm në gjysëm fushën mike. Këmbëngulja e tyre shpërblehet me golin e barazimit në të 38-tën nga Vishkulli. Përveç golave që i kanë munguar kësaj sfide, ajo ka patur emocioen të shumta sidomos për ekipin vendas që kërkonte me çdo kusht fitoren. Pjesa e dytë e ndeshjes do të fliste e gjitha për “Juban-Danjën” e cila nuk arrin dot të finalizojë ashtu siç duhej përpara portës së mbrojtur nga Shala. Gjithsesi në fund të dy ekipet morën vetëm nga pikë, duke konfirmuar kështu që konkurenca dhe cilësia në futbollin e femrave në këtë sezon futbollistik do të jetë e lartë. Juban Danja- Tirana AS 1-1
Juban Danja: Rripaj, Rrahmani, Jashari, Rrotani, Vishkulli, çapnagaj, P. Jaku,Veliu, Preçi, Tashollari, E.Jaku. Tr.E.Jaku.
Tirana AS: Shala, Ndoci, Muça, Gjini, Beqiraga, Dashi, Muhaderi, Seranaj, Kryemadhi, Bardhi, Koçiu. Tr. J.Bespalla.
Shënues: Vishkulli 38’/Seranaj 16’
Gjyqtarë: Xh. Rada, F.Elezi, K.Gjyli (Durrës)
www.shkodrasport.com
