Garë e fortë në Itali për talentin shqiptar, Cristian Paloken, futbollistin me origjine nga Shkodra.
18-vjeçari nga Velipoja nuk ka rinovuar me skuadrën e Hellas Verona dhe menjëherë, dy ekipe të Serie B janë vënë në lëvizje për të siguruar firmën e tij.
Ascoli dhe Pisa kërkojnë medoemos firmën e sulmuesit anësor, por siç raportojnë mediat italiane, Ascoli është ekipi favorit. Pikërisht te kjo skuadër, luan dhe shqiptari tjetër, Dean Lico.
Zgjedhja është në duart e Palokës, i cili kërkon një ekip ku i garantohen minuta, për t’u rritur sa më shumë.
18-vjeçari shkodran është një futbollist me të ardhme dhe në Itali, e konsiderojnë si një potencial ende i pazbuluar. Shumë shpejt, do të ketë dhe zyrtarizim të Palokës te një nga këto dy skuadra./abcnews/
