Trajneri i Atalantas, Gian Piero Gasperini po konsideron një lëvizje te Roma, por pengesa kryesore për ardhjen e tij është dëshira e tij për një rinovim të plotë të skuadrës.
Sipas Il Messagero, ndërsa disa zëra sugjerojnë se puna e Romës është ende e hapur për të, Gasperini e di se planet e tij përfshijnë transformimin drastik të ekipit, gjë që mund të bie ndesh me identitetin aktual të Romës.
Në moshën 67-vjeçare, Gasperini është i vetëdijshëm se ky mund të jetë shansi i tij i fundit për të fituar një Scudetto dhe ai nuk është i gatshëm të bëjë kompromis me vizionin e tij, ndryshe nga periudha e tij e shkurtër në Inter në vitin 2011.
Atij do t’i duhej të sillte 6-7 talentë të rinj, jo domosdoshmërisht të shtrenjtë, për t’iu përshtatur stilit të tij me intensitet të lartë dhe agresiv.
Si rezultat, ai do të ishte i gatshëm të ndahej me lojtarë kyç si Artem Dovbyk, Paulo Dybala, Mats Hummels, Leandro Paredes dhe Lorenzo Pellegrini. Nënshkrimet e reja si Angelino, Zeki Celik, Evan Ndicka, Manu Kone, Niccolo Pisilli dhe Mile Svilar do t’i përshtateshin më mirë projektit të tij.
Sfida për Romën është se këto shitje lojtarësh janë të komplikuara për shkak të pagave të larta dhe historive të dëmtimeve, por lirimi i 40 milionë eurove në paga do ta ndihmonte klubin të lëvizte më lirshëm brenda rregullave të Fair Play Financiar.
Gasperini beson se Roma ka nevojë për një rishikim të thellë për të konkurruar me Juventusin dhe Milanin dhe planifikon të diskutojë drejtpërdrejt me familjen Friedkin për të kuptuar gatishmërinë e tyre për të investuar në vizionin e tij.
Megjithatë, këto largime të mundshme mund të jenë të vështira për t’u ekzekutuar dhe kandidatët e tjerë si Stefano Pioli, Roberto Mancini, Massimiliano Allegri dhe Vincenzo Montella duhet të qëndrojnë vigjilent. /Telegrafi/
