Skënder Gega në vigjiljen e transfertës me Egnatian ka dhënë detaje rreth kontratës të lidhur me Partizanin ndërsa ka pranuar se dueli i radhës do të jetë një finale. Për trajnerin e ri të Partizanit fakqi sa sapo ka marrë frenat e skuadrës në dorë nuk do të jetë një alibi për këtë takim të dyfishtë me formacionin e Tetovës.
“Kam 2 -3 ditë që kam patur mundësi të punoj me ekipin pas ndeshjes me Laçin. Ai takim ishte një leksion më vete sepse të gjithë e dinë se sa ndryshim ka mes ndeshjeve dhe sencave stërvitore. Për fatin e mirë nuk u ndëshkuam me Laçin në ato momente tona të këqija, por reaguam në pjesën e dytë. Eshtë shenjë e mirë për mua si trajner. Nesër udhëtojmë në Rrogozhinë, është një ekip kampion, është një ekipi i mirë kanë investuar”, tregoi Gega.
Mbi të ardhmen trajneri i Partizanit tregoi se kishte nënshkruar një kontratë 2-vjeçare. “Në Shqipëri kurioziteti është i madh. Ishte koha shumë e shkurtër dhe nuk mund të pasqyronim çdo gjë.
Me presidentin Demi dhe klubin kemi rënë dakord të firmosim një kontratë 2-vjeçare. Do jem për dy vite pjesë e projektit të Partizanit dhe jam shumë i lumtur që është kjo hapësirë dhe shpresoj që gjërat të shkojnë sa më mirë, sa më gjatë”, tha Gega.
