Ka disa muaj që ndodhet në Itali por ndërkohë prej një jave e gjysëm ka qenë në provë tek ekipi Clitunno në kategoinë e katërt të futbollit italian. Bëhet fjalë për Gers Trajer, futbollistin 17 vjeçar shkodran i cili është pëlqyer nga drejtuesit e kësaj skuadre dhe tashmë do të jetë pjesë e saj.
Para nisjes së stërvitjes me ekipin, ai ka kryer dhe testet mjekësore dhe çdo gjë tashmë është ashtu si duhet sepse ka firmosur me ekipin dhe është gati për ndeshjet zyrtare.
Trajer ka qenë pjesë e “Albanian Ajax School” deri para pak kohësh dhe tashmë do të provojë një aventurë të re në vendin fqinj për të ndjekur rrugën e Elseid Hysaj, ndonëse për një gjë të tillë do t’i duhet shumë punë. Trajer luan si mbrojtës qendre dhe po ashtu mund të luajë edhe në krahun e djathtë.
Ekipi Clitunno aktualisht ndodhet në vendin e tretë të renditjes në kategorinë e katërt me pikë të barabarta 34, po aq sa Bevagna (por Clitunno ka një ndeshje më pak të luajtur) ndërsa në vedn të parë është Vis Foligno me 38 pikë.
Objektivi i drejtuesve të klubit është për ta ngjitur në kategorinë e tretë (Serinë C). Trajer premton të bëjë më të mirën e tij dhe pavarësisht moshës së re, duket shumë i angazhuar për të ndihmuar ekipin e tij në arritjen e këtij objektivi.
© shkodrasport.com
