Klaus Gjasula ishte futbollisti i parë kuqezi që dha opinionin e tij për shortin e Ligës së Kombeve në një lidhje të drejtpërdrejtë me SuperSportin.
Mesfushori i Paderbornit e pranoi se Shqipëria pati fat krahasuar me Kosovën.
“Besoj se Kosova e ka më të vështirë se ne. Shorti na ka rënë i mirë mendoj. Kemi forca për ta mbyllur në vendin e parë, do të japim maksimumin që të tregojmë çfarë dimë të bëjmë dhe për të fituar ndeshjet.
Unë besoj se kemi një nivel më lart se skuadrat e tjera në grupin tonë dhe se mundësitë i kemi, ndaj duhet që të fitojmë ndeshjet, që të marrim pikët dhe të kualifikohemi”, – deklaroi Gjasula pasi u pyet nga gazetari Glend Tafaj.
