Shumë tifozë të Barcelonës u ngrinë kur panë në fushë e lojës Lamin Jamal të kërkonte për disa minua me radhë zëvendësimin i drejtuar nga pankina e katalanasve në ndeshjen kundër Borusia Dortmund.
Në një periudhë kur dëmtimet janë bërë të zakonshme për shkak të mbingarkesës, shumëkush mendoi se lojtari kishte probleme fizike. Por qëllimi i yllit të katalanasve ishte tjetër.
Lamin Jamal vendosi të dilte nga loja jo sepse nuk dëshironte të luante më pasi skuadra çoi shifrat në 4-0. Ai dëshironte që të dilte nga fusha në mënyrë që vendin e tij ta merrte shoku i ngushtë që ka në radhët e katalanasve.
Dhe ashtu ndodhi, pas insistimit të vazhdueshëm të sulmuesit që fokusohej nga kamerat duke bërë shenjë që të zëvendësohej, Hansi Flik u dorëzua dhe e nxori nga fusha, duke aktivizuar të ”harruarin” Ansu Fati. Të dy djemtë janë miq shumë të ngushtë dhe Jamal kërkonte që edhe Fati të kishe minuta në këtë sfidë, pasi mungonte në fushën e lojës që nga 4 janari.
“Lamin është mirë. Ka luajtur shumë minuta ndaj ishte diçka e mirë që Ansu të mund të luante. Është e rëndësishme për të që të marrë minuta. Po stërvitet mirë dhe e meritonte të luante”, tha Flik pas ndeshjes për zëvendësimin në fjalë, duke pranuar vendimin e futbollistit të tij.
