Vllaznia fitoi dje ndaj Kukesit dhe shumekush “u çudit” me kete sukses te shkodraneve perballe nje skuadre qe konsiderohej “milionerja” e Superliges e me epitete te tjera. Ne fakt, nuk ka pse te çuditet kush sepse nje dite para kesaj sfide trajneri i ekipit shkodran Mirsad Jonuz ne konferencen e shtypit nuk do ta cilesonte aspak te veshtire kete ballafaqim dhe ishte i bindur se kuqeblute do merrnin pike.
Dhe ne fakt keshtu rezultoi, madje jo nje per barazimin, por ata moren tre piket e fitores dhe vete futbollistet e Vllaznise pjesen kryesore te ketij suksesi ia dedikuan trajnerit te tyre per skemen e perdorur ne fushen e lojes.
Ne fakt perveçse nje sukses i Vllaznise mbi Kukesin dhe i trajnerit Jonuz mbi Duron ka qene edhe nje “fitore” e trajnerit aktual te kuqebluve ndaj presidentit te klubit kukesian Safet Gjici.
Kjo ngaqe ata te dy jane takuar edhe dy here te tjera sebashku. Nje here ne Tirane dhe nje here ne Maqedoni. Kuptohet per te biseduar per mundesine e uljes se Jonuz ne pankinen kukesiane. Ky i fundit ka shprehur deshiren per ta bere kete gje, por disa kushte te vena nga presidenti i kesaj skuadre apo dhe gjera te tjera, kane bere qe ai te terhiqet.
Edhe per t’i treguar Gjicit se nuk eshte si trajneret e tjere qe premtojne titullin kampion ende pa nisur gara apo dhe shume gjera te tjera. Ai deshiron te qendroje me kembe ne toke ashtu siç po ben edhe tek Vllaznia ku pavaresisht se drejtuesit permendin Kupat e Europes, nga goja e tij ende kjo fjale nuk eshte degjuar.
Per kete arsye, me siguri qe ne perfundim te ndeshjes se djeshme, Safet Gjici mund te jete penduar qe nuk arriti ta bindte dy here kete trajner qe ta kishte tek Kukesi. “Takimi” i djeshem ne distance ne “Elbasan Arena” e ka lartesuar figuren e ketij trajneri perballe figures se ketij presidenti qe sjelljet me trajneret nuk i ka aspak ashtu siç duhet t’i kete.
www.shkodrasport.com
