Rei Manaj do të jetë në stol në ndeshjen e parë të Barcelonës në kampionatin spanjoll.
Sulmuesi shqiptar është pjesë e skuadrës që do të përballej sot me Real Sociedad, pasi është regjistruar tashmë me ekipin e parë të katalanasve për sezonin e ri.
Edhe klubi është gati për këtë start të parë të kampionatit post-Mesi dhe me një video ka treguar dhomat e zhveshjeve para duelit në Kamp Nou. Një video që pasqyronte fanellat e lojtarëve të bëra gati për futbollistët që do të bëheshin pjesë e kësaj sfidë.
E veçanta e saj është se ajo niste pikërisht me fanellën numër 14, atë që do të mbajë Rei Manaj në sezonin e tij me ekipin e parë të Barcelonës, për të vazhduar më pas me të lojtarëve të tjerë.
