Është mbyllur takimi i parë mes Dinamos dhge Skënderbeut në Kupë. Korçarët morën fitoren 0-2 në transfertë dhe shkojnë në shtëpi të qetë për ndeshjen e ardhjes.
Trajneri i Skënderbeut, Ernest Gjoka është prononcuar në RTSH se i intrereson më shumë kampioanti se Kupa dhe do të preferonte të mposhte Dinamon në Superiore më tepër pasi i duhen pikët dhe është prioritet mbijetesa. Tekniku lavdëroi Bismark, Rashicën që do të ikë tashmë dhe brazilianin Luquinhas.
“Sa po e thashë. Do më interesonte shumë më shumë ai 3 pikëshi i kampionatitt se na iku në momentet e fundit. Këto ndeshje janë të rëndësishme. Duhet të gjemë veten dhe të vazhdojmë në kampionat. Pasi nuk jemi aty ku duhet.
Dinamo kundërshtar i vështirë. Mban shumë topin, nuk të lë të qarkullosh. Ndeshja e kampionatit pak a shumë ishte njësoj. Atje na mungoi maja e sulmit, Bismark. Lamë Rashicën në atë pozicion, po nuk mund t’i marrësh më të mirën aty. Ndërsa sot ishte Bismark dhe Rashica u vu në rolin natyral.
Shiko, Rashica është një pikë shumë e fortë. Është fakt që do të iki, por duam ta shfrytëzojmë sa e kemi. Në momentin e parë ndoshta ai lojtar që do të vihet aty mund të mos japë 100 përqind, pasi Rashica është një ingranazh i rëndësishëm.
Braziliani Luquinhas mund të bëjë shumë mirë aty, pasi është i zgjuar. Ne po përgatisim lojtarë për atë pozicion. Të rinjtë që kanë ardhur mund të bëjnë mirë”, u shpreh Gjoka.
