Pas ndeshjes së djeshme, trajneri i Kamzës, Ernest Gjoka, tha: “Është një rezultat i mirë. Mendoj se skuadra i ka cilësitë, por nëse një ekip futbolli nuk është i qetë nga ana psikologjike, nuk mund të japë atë që kërkohet, maksimumin. Urojmë dhe shpresojmë që gjërat të na qetësohen.
Lidhur me golin, mund të them se ishte gabimi i gjyqtarit që faullin e dha me vonesë. Ai duhet ta jepte një kohë më parë dhe jo arbitri i katërt. Megjithatë, arbitri kryesor e korrigjoi dhe ky faull shërbeu për fat që të shënohej.”
Ernest gjoka
“Gjithsesi, skuadra e dominoi të gjithë ndeshjen ndaj Vllaznise. E kërkoi golin duke ushtruar presion deri në këtë moment. E rëndësishme për ne, është që ndeshja u fitua, pasi ishte një sfidë e fortë. Kamza si objektiv kryesor ka qëndrimin në Superiore, por edhe në Kupë do mundohemi të hedhim hap pas hapi sa mund të shkojmë.
Lidhur me financat, sigurisht që jemi disi më të qetë, pasi sot(dje) nga ana e presidencën u është dhënë një rrogë lojtarëve, por gjithsesi duhet bashkëpunimi mes drejtuesve të klubit që të jetë maksimal. ”
“Ndeshja me Vllaznine ishte një provim para Teutës. Uroj që tashmë skuadra jonë të funksionojë sepse më vjen keq për këtë grup që të vuajë në këtë mënyrë. Ne tashmë nuk kemi kohë të humbasim, duhet të funksionojmë normalisht”, tha Gjoka.
