Gjyshi i Arda Guler ka thënë se talenti turk do të qëndrojë te Real Madrid. Mesfushori fantazist nuk ka pasur shumë hapësira në këtë sezon, por familjarët e tij janë të bindur se ai do të ketë sukses në Madrid.
Mehmet Ali Guler tha për AS: “Real Madrid nuk do ta braktisë djalin. Arda do të qëndrojë atje.
“Unë i thashë: ‘Djalë, ti je një numër një që tani. Turqia të njeh, bota të njeh, të gjithë të njohin’, por ai do më shumë se kaq.
“Ai thotë: ‘Unë do të jem numri një’. Ai ndoshta dëshiron të kalojë Ronaldo-n, Messi-n, etj. Besoj se do të ketë sukses”, ka përfunduar gjyshi i Guler.
