Ditën e djeshme ngjarja që mori një vëmendje shumë të madhe ishte goditja e një prej avokatëve të njohur në vend. Por ajo që e lidh me sportin këtë çështje është se njëri prej agresorëve është futbollist. Bëhet fjalë për lojtarin e Tërbunit të Pukës në sezonin e fundit, Romario Tabaku.
Policia e Tiranës ka dhënë detaje në lidhje me dhunën e ushtruar ndaj avokatit Sokol Mëngjesi paraditen e së mërkurës (29 maj). Përveç 4 autorëve të identifikuar dhe shpallur në kërkim, policia ka ndaluar me iniciativë edhe organizatorin e këtij sulmi, Dritan Nano 58 vjeç.
Po ashtu policia vë në dispozicion 20 mijë euro kush jep informacion që cojnë në kapjen e tyre. Drejtori i Policise se Tiranes, Tonin Vocaj tha se 4 autoret e sulmit jane Romario Tabaku, Elton Kasaj, Drivald Alia dhe Dorian Alia, ky i fundit u vetëdorëzua në momentin kur po jepej konferenca per shtyp.
Interesant është fakti se një prej tyre është një futbollist në kampionatin shqiptar, më saktë në Kategorinë e Dytë me skuadrën e Tërbunit. Romario Tabaku është një nga autorët të cilët sulmuan Sokol Mëngjesin, me futbollistin që aktualisht është akoma në kërkim. Lojtari i Tërbunit ndihmoi autorët e sulmit, duke i ndihmuar të largohen nga ngjarja me automjetin tip “Audi” me targa “Ab 696 JT”.
Tabaku është pjesë e skuadrës së Tërbunit të Pukës, teksa sezonin që sapo lamë pas luajti si i huazuar nga klubi i Besës së Kavajës.
