Afrimi i përvjetorit të 105-të të shpalljes së Pavarësisë do të shoqërohet me zhvillimin e një kupe nga ana e Federatës Shqiptare të Volejbollit. Ajo do të organizojë “Kupën e Flamurit”, një aktivitet miqësor me ekipet kombëtare të volejbollit për të rritur dhe të rritura, të cilatdo të luajnë ndaj kombëtareve respektive të Kosovës. Ky aktivitet do të organizohet në sallën sportive “Feti Borova”, pranë Tirana Olimpik Park, një event që do të bashkojë shqiptarët.
Për këtë arsye, trajnerët e ekipeve kombëtare meshkuj (Jani Melka e Dritan Bardhi) dhe femra (Altin Martiri e Roland Tarja), kanë publikuar listën e lojtarëve kandidatë, që do të marrin pjesë në këtë event të veçantë, që organizohet në një ditë të shënuar për Shqipërinë. Ajo që bie në sy është se tek kombëtarja e femrave, bie në sy edhe thirrja e tre prej volejbollisteve të ekipit të Vllaznisë dhe pikërisht të Antoneta Mollës, Klavia Petëzës dhe Amela Qershia. Ndërkohë në kombëtaren e meshkujve janë ftuar nga Vllaznia katër sportistë dhe pikërisht Mario Gjoklaj, Nikoli Qafarena, Renato Kola dhe Ditmir Rrashketa. Ja listat e plota të kombëtareve tona për këtë kupë:
Lista e kombëtares të rritura
Romina Matoshi (Teuta), Kejsi Shira (Tirana), Antoneta Molla (Vllaznia), Esmeralda Tuci (Partizani), Joana Kushi (Tirana), Malvina Tuci (Barleti Volley), Sara Hasku (Partizani), Xhenifer Pirra (Barleti Volley), Elena Bego (Skënderbeu), Klavia Petëza (Vllaznia), Artjola Rexhepi (Teuta), Fatbardha Bicaku (Barleti Volley), Amelia Qershia (Vllaznia), Çezarina Xheka (Partizani), Xhozafa Sejfullai (Tirana), Amarilda Llupo (Barleti Volley), Livia Shehi (Tirana).
Lista e kombëtares të rritur
Armando Gaxiri (Tirana), Adri Arapi (Erzeni), Amend Kula (Erzeni), Entigleno Nazifi (Erzeni), Anis Çullhaj (Erzeni), Kristi Bërdufi (Erzeni), Mario Gjoklaj (Vllaznia), Renato Kola (Vllaznia), Nikolin Qafarena (Vllaznia), Ditmir Rrashketa (Vllaznia), Aldi Kupi (Studenti), Norgen Baruti (Studenti), Emiljano Xhebrahimi (Studenti), Osman Qepa (Farka Volley), Ervin Çali (Partizani), Redi Bakiri (Partizani).
© shkodrasport.com
