Muaji shtator do të jetë i mbushur me aktivitete për përfaqësueset shqiptare pasi pas atyre A, U21, U17 dhe të femrave, është mbledhur edhe përfaqësuesja U19.
Trajneri Erjon Bogdani do të shohë në veprim kuqezinjtë e vegjël në ditët në vijim, ku ata do të luajnë dy miqësore në Lushnjë dhe Elbasan përballë bashkëmoshatarëve të Islandës.
Në listën prej 28 emrash bie në sy prania e shumë futbollistëve që luajnë jashtë, por edhe lojtarëve të cilët janë grumbulluar në këtë pjesë të parë të sezonit me ekipet e para të skuadrave të Superiores.
Kësisoj, në listë janë Isufi, Pëllumbi e Gavazaj të Skënderbeut, Ismailgeci, Çelhaka e Muçi të Tiranës si dhe Oshafi i Luftëtarit.
Ajo qe te ben pershtypje eshte se ne kete liste nuk ka asnje futbollist te Akademise Vllaznia, ndonese ekipi U-19 i saj eshte kampion ne fuqi i vendit. Edhe Isufi qe ne liste figuron si futbollist i saj, ne fakt ka kaluar tashme tek Skenderbeu.
Nga ana tjeter, jane dy futbolliste te grumbulluar nga Akademia Ajaks, pikerisht Arber Daija dhe Eslit Sala dhe kjo padyshim qe eshte diçka e mire per kete Akademi
Gjithsesi, baza mbetet ajo e futbollistëve që luajnë jashtë Shqipërisë, me 8 lojtarë që vijnë nga skuadrat italiane e shumë të tjerë nga Greqia, Holanda, Spanja apo Gjermania.
