Loic Remy dhe Oussane Tannane, janë dy futbollistë të Las Palmas, të paktën edhe për pak kohë, që do të provojnë dorën e hekurt të trajnerit Paco Jemez, i katërti për skuadrën e Canarie në këtë sezon të errët në La Liga. Të dy futbollistët gabuan kur menduan se mund të paraqiten vonë në seancën e parë të prezantimit të teknikut të ri. Trajneri Paco Jemez ka mbërritur te Las Palmas me etiketën “shefi i hekurt”, për shkak të përqasjes së tij të fortë dhe për arsye të metodave të ashpra qe perdor.
Metoda keto të konsideruara si të përshtatshme për të zgjidhur një situatë shumë të rrezikshme për skuadrën e Canarie.
Por parimet dhe disiplina e trajnerit duket se nuk përputhen me sjelljen e sulmuesve Remy dhe Tamanne, dy futbollistë për të cilët trajneri i ri vendosi të aplikojë grushtin e hekurt, duke i kërkuar klubit që t’i largojë me çeljen e merkatos së janarit. Pikërisht kështu, sjellja e tyre është vlerësuar si joprofesionale, duke konstatuar se vonesës në seancën e parë stërvitore iu shtua edhe vonesa në darkën me skuadrën. Këtu merr shkas vendimi për të zyrtarizuar qëndrimin e klubit, në shitjen e dy futbollistëve në favor të klubeve të interesuara, sikurse konfirmon trajneri: “Ka disa zakone jo korrekte dhe duhet t’i ndryshojmë. I kam kërkuar presidentit që të gjejë një tjetër sistemim për Remy dhe Tannane”.telesport
