Pep Guardiola, trajneri i Manchester City-t, ka folur në konferencë për shtyp në prag të derbit me Manchester United, që do të luhet këtë të diel në orën 17:30.
“Ndeshjet derbi janë gjithmonë të veçanta. Situata në këtë sezon është pak ndryshe, po luajmë për vendin e dytë dhe jo për të fituar titullin”, ka thënë spanjolli.
“Për ata është një sfidë e rëndësishme, sepse duhet të fitojnë për t’u kualifikuar në Champions-in e ardhshëm. Duhet të kërkojmë të japim maksimumin: lojtarë, trajnerët dhe tifozët”.
“Ka qenë një muaj i mirë për ne. Kemi luajtur kundër West Ham-it në shtëpi, Leicester-it dhe Real-it në transfertë dhe më pas kemi siguruar finalen e Carabao Cup. E dimë sa të vështira janë këto ndeshje, mendoj se kemi bërë mirë. Ka akoma edhe shumë ndeshje për të luajtur”.
“Gjendja e Sane? Po përmirësohet, por nuk është akoma në 100%. Duhet të gjejë formën. Përmirësohet nga java në javë, do të provoj t’i jap ndonjë minutë në ndeshjet e ardhshme, por sigurisht nuk do të luajë kundër Manchester United”.
