Për Guardiolën nuk ka “mjaft”. Nënshkrimi i fundit, Aymeric Laporte, për 65 milionë euro, plus 5 të tjera për të drejtat e trajnimit, është përforcimi i fundit i madh i Manchester City për t’u mbrojtur.
Trajneri katalanas, pas një sezoni e gjysmë në krye të “qytetarëve”, tashmë ka shpenzuar 269.5 milionë euro për pesë lojtarë mbrojtës, për të rritur nivelin e prapavijës së tyre.
Ekipi “skyblue” nuk i kursen shpenzimet dhe Pep kërkon një mbrojtje të ndryshme nga të tjerët. Për Guardiolën, mbrojtja është e para që duhet të luajë futboll, prej saj duhet të nisë qarkullimi i topit, në mënyrën më të pastër të mundshme.
Nga këmbët e portierit, apo të mbrojtjes, fillon stili i lojës së ekipit të Guardiolës. Kjo është arsyeja pse ai nënshkroi me Stones sezonin e kaluar dhe kjo pse e bëri këtë së fundi, teksa firmosi me Laporte. Të dy janë qendërmbrojtës të ngjashëm, të gjatë dhe të stilit të lartë për ta nisur topin nga reparti i prapmë.
70 milionë eurot e paguara për Laporte e bëjnë atë mbrojtësin e dytë më të shtrenjtë në historinë e futbollit, i tejkaluar vetëm nga 85 milionët e Liverpool-it, të paguara këtë merkato dimërore për Van Dijk. Walker, Danilo dhe Mendy janë tre mbrojtësit e tjerë, që City i Pep ka në përbërje.
Gjithsej, trajneri katalanas ka shpenzuar pothuajse 270 milionë euro për pesë mbrojtës në një sezon e gjysmë. Për ta mbrojtur veten me çdo kusht.
LAPORTE (70 milionë) – Merkatoja dimërore 2017-2018
Një dëshirë e vjetër e Guardiolës. Ai arrin te “qytetarët” për 65 milionë euro, plus 5 milionë të tjera për të drejtat e trajnimit, që do t’i marrë Bilbao.
Sallaks, me aftësi mjaft të mira në nisjen e topit.
MENDY (57.5 milionë) – Merkato e verës 2017-2018
Ky transferim ishte një nga argumentet kryesore të futbollit europian sezonin e kaluar. Kjo ishte anësori i parë i majtë i Guardiolës për këtë sezon, por u “kryqë”ua” në ndeshjet e tij të para.
WALKER (57 milionë) – Merkatoja e verës 2017-2018
57 milionë euro pagoi Manchester City i Pepit për Kyle Walker, që të largohet nga Tottenham.
Ai është “pronari” i anës së djathtë të mbrojtjes së skuadrës nga “Ettihad” gjatë gjithë këtij sezoni. I fuqishëm, me ide të mira edhe në sulm.
DANILO (30 milionë) – Merkatoja e verës 2017-2018
Real Madrid e ndien ende humbjen e tij. Ai u largua nga “Bernabeu” për shkak të rivalitetit me Carvajal dhe Guardiola e bindi për të nënshkruar me Manchester City. Pep e ka atë për të “mbyllur vrimat” në të dyja anët e mbrojtjes.
STONES (55 milionë) – Merkatoja verore 2016-2017
Mbrojtësi i parë që Guardiola nënshkroi si trajner i Manchester City, sezonin e kaluar, në vitin e tij të parë në Angli.
Ish-mbrojtësi qendror i Evertonit i plotëson cilësitë që Pep pëlqen. Ai ka pasur probleme me lëndimet, që nuk e kanë lejuar atë të jetë qendra e duhur, të cilin trajneri katalanas po kërkonte kur u bashkua me radhët e tij./telesport/
