Vazhdon te jete i mendimit se Vllaznia ka ende per t’u permiresuar ne lojen e saj, por Astrit Hafizi nga ana tjeter i meshon faktit se per skuadren te rendesishme ne kete periudhe kane qene piket dhe marrja e tyre ka rregulluar shume gjera brenda saj.
Nje deklarate te tille, ish- futbollisti dhe ish- trajneri i Vllaznise e ka bere gjate analizes se tij ne emisionin “Studio Sport” ne Vizion Plus ku eshte ndalur edhe tek ndeshja e fundit ndaj Egnatias.
“Kjo ndaj Egnatias nuk ishte aspak nje ndeshje e lehte per Vllaznine. Nje kundershtar me te cilin skuadra shkodrane ka patur rezultate jo te mira. Por momenti qe po kalonte Vllaznia ishte shume i mire sepse nuk po humbte prej tete javesh ne kampionat.
Ndeshja ishte e ekuilibruar dhe per mendimin tim nuk pati nje skuader qe dominoi ne fushe sepse pati hapesira per te shenuar edhe per Egnatian, por edhe per Vllaznine. Kjo e fundit nuk ka shkelqim ne menyren e lojes, nuk ka nje skuader qe te ben shume presion thelle ne zonen e kundershtarit.
Vllaznia po merr rezultatet, ato per te cilat kishte nevoje dhe nderkohe te le premisa se edhe loja do te vije duke u rregulluar ne ndeshjet e ardhshme”- eshte shprehur Astrit Hafizi./SHKODRA-SPORT.COM/
