Vllaznia nen drejtimin e Goce Sedloskit ka marre 4 pike ne 2 ndeshjet e fundit dhe duket se kemi te bejme me nje kthese te saj, por qe gjithsesi nuk mjafton per te ardhmen ne menyre qe ajo te arrije objektivat e ketij sezoni.
Duke folur ne “Studio Sport”, specialisti i mirenjohur Astrit Hafizi eshte ndalur tek ndeshja me Kukesin, per te cilen u shpreh se kuqeblute duhet te jene te kenaqur edhe me piken e marre sepse mund te kishin dale edhe pa gje sepse kundershtari luajti me mire se ata pergjate 90 minutave.
“Une mendoj se te marresh nje pike ne Kukes nuk eshte keq. Ndryshimi i Vllaznise filloi qe tek ndeshja me Erzenin, ndaj nje skuadres me te cilen nuk kishte patur bilanc te mire dhe ne tre ndeshjet e meparshme kishte marre vetem nje barazim. Ajo fitore ishte nje ndryshim, por per nje jave nuk mund te thuash se ishte dora e trajnerit.
Ne kete ndryshim ndoshta ka te beje disi edhe vendosja e lojtareve, por me Kukesin them se Vllaznia nuk ka zhvilluar lojen e saj me te mire. Madje Kukesi luajti me mire dhe ndoshta mund te merrte edhe me teper. Vllaznia ndeshjet jashte ndoshta nuk po din t’i shfrytezoje, po ashtu, nuk po arrin dot te shfrytezoje siç duhet Balajn qe vazhdon te mos shenoje, perjashto nje penallti qe ka realizuar.
Mendoj se per Vllaznine ky eshte nje minus i madh, qe kthehet nje lojtar me emer aq te madh si Balaj dhe nuk po arrin ta shfrytezoje si duhet kete lojtar te ekipit kombetar, qe eshte po ashtu shkodran dhe nuk po arrin dot te shenoje. Sepse nese Balaj do te kishte shenuar te pakten 4-5 gola, edhe skuadra sot do te ishte ne pozita te tjera”- eshte shprehur Astrit Hafizi./SHKODRA-SPORT.COM/
