Nga Superiorja te Kombëtarja, Astrit Hafizi në të gjithë fushën në një analizë të bërë në studion e emisionit “Rubrika Sportive” në RTSH. Ish-trajneri i Kombëtares por dhe shumë skuadrave në kampionatin tonë nuk është kursyer aspak për skuadrën e Vllaznisë, të cilën e ka kritikuar për merkaton e bërë.
“Vllaznia po bën të njëjtat gabime, nuk arrin të menaxhojë rezultatin. I ka bërë këto gabime edhe në sezonet e mëparshme, po i bën edhe tani. furnizon të gjitKanë gabuar në merkato. Akademia e Vllaznisë po ha skuadrat shqiptare, si nuk arrijnë të kuptojnë në Shkodër.
Lojtarët vendas e kanë impenjimin më të madh. Mendoj se të kesh një lojtar të mirë si Xhixha, me këta mbrojtësa që janë, ke mundësi të fitosh kampionatin. Edhe Partizani nuk është se më pëlqen, u mund nga Tirana me 10 veta, u mund edhe nga Erzeni”.
Për Kombëtaren – “Asnjëherë nuk duhet të nisemi me këtë objektivin e parë që duhet të kualifikohemi. Polonia dhe Çekia janë më të fortat. Asnjëherë nuk duhet të jemi euforik, duhet të mendojmë të japim më të mirën. Kalendari? Më mirë të mos e kishim nisur me Poloninë, por shorti është i pashmangshëm.
Me grupin e lojtarëve që kemi, duhet ti lëmë justifikimet mungon ky apo ai lojtar. Kemi një grup shumë të mirë lojtarësh. Kemi 27 lojtarë ku pjesa e madhe luajnë në Itali, nëse do vazhdojmë përsëri me ankesa, kjo nuk është profesionale”.
