Sulmuesi shkodran Hamdi Salihi nuk ka të ndalur me shënimin e golave në Kinë. Pas atij të shënuar në Ligën e Kampioneve të Azisë javëne e kaluar, në fundjavë ai shënoi edhe në Superkupën e Kinës duke mundur skuadrën e Marçelo Lipit dhe duke i dhënë fitoren e këtij skuadrës së tij Jiangsu Sainty. Por Salihi ka vazhduar me golat e tij. E ka bërë një gjë të tillë edhe ditën e sotme teksa në ndeshjen e javës së parë të kampionatit kinez, atë në mes Jiangsu Sainty dhe ëuhan Zall, ka shënuar në minutën e 60-të një gol shumë të bukur duke zhbllokuar rezultati që deri atëherë ishte në barazim 0-0. Ai ka ndjekur një kundërsulm të shpejtë të skuadrës së tij nga e djathta dhe krosin e ardhur në zonë, ndonëse në një pozicion disi të vështirë, është zhytur me kokë duke e dërguar topin në rrjetë. Pas këtij goli, skuadra e tij ka shënuar edhe një tjetër por ka pësuar gol në fund megjithatë rezultati përfundimtar i ndeshjes ka qenë 2-1 në favor të skuadrës së futbollistit shkodran. Kësisoj për Salihin nuk ka sesi shkon një nisje më mirë në Kinë me skuadrën e tij të re. Në tre ndeshje, ka shënuar tre gola duke treguar kësisoj se i ka lënë njëherë e mirë pas problemet që hasi në Amerikë.Gjergj KOLA
