Të shtunën, Vllaznia do të luajë kundër Tiranës, ndeshje e vlefshme për javën e 21-të të Superiores. Skuadra shkodrane pritet të hedhë në fushë më të mirët, ku me siguri nuk do të mungojë as Ardit Hoxhaj. Sulmuesi vlonjat ishte në qendër të vëmendjes së medieve në merkaton e janarit për shkak të performancës pozitive me kuqeblutë.
Por, prej më shumë se 1 muaji, ai nuk po arrin të gjejë rrugën e rrjetës. Duket si ngërç psikologjik i futbollistit që po kalonte një formë të mrekullueshme aq sa nuk mungoi oferta nga Turqia për të. Megjithatë së bashku me Dilaver, të dy futbollistët duken se kanë harruar rrugën e rrjetës.
Dilaver ne fakt arriti te shenonte nga pika e bardhe ne ndeshjen e kaluar ndaj Skenderbeut. Tashme pritet qe kete gje ta beje edhe Ardit Hoxhaj. Ai nuk shenon gol qe prej 20 janarit.
Deri më tani gjendet në kuotën e 8 golave në 19 ndeshje të luajtura. Ndoshta euforia ka ndikuar në performancën e tij. Pritet me interes të shihet paraqitja e shkodranëve ndaj bardhebluve e veçanërisht e shtatshkurtrit vlonjat.
