Trajneri Haris Lika i ftuar së fundmi në studion sportive të Star Sport foli për fillimin e kampionatit shqiptar. Ai u ndal tek Vllaznia dhe ecuria e kuqebluve.
Ish-trajneri i Veleçikut tha se shkodranët treguan se do jenë një nga pretendentër kryesorë të këtij edicioni. Por gjithashtu se dozat e euforisë duhet të jenë sa më të ulëta në kampin kuqeblu.
Lika u shpreh: “Gjithmonë fitoret kundër Tiranës sjellin kënqësi tek të gjithë në Shkodër. Kjo pasi vijnë kundër rivalit historik dhe një prej ekipeve të kampionatit që gjithmonë prentendojnë për trofe. Por them se Vllaznia duhet ta mbajë euforinë në dozat sa më të ulëta dhe për këtë pjesë trajneri Josa është një ekspert.
Skuadra po më pëlqen në këto javë megjithëse ndeshjet ndoshta duhet ti “vrasë”. Dhe jo ti komplikojë siç nodhi me Kukësin apo Tiranën. Por futbolli i tillë është dhe jo të gjitha rastet shkojnë në rrjetë. Me fitoren e fundit në kryeqytet, Vllaznia i ka treguar të gjithëve se edhe ajo është një pretendente serioze këtë edicion dhe një rival i frikshëm për këdo.
Them se është ndërtuar një skuadër shumë e fortë dhe kompetitive. Për mendimin tim afrimi më i mirë ishte ai i Lorik Boshnjakut. Një lojtar shumë i domosdoshëm në mesfushë që besoj do jetë një pikë e fortë këtë edicion”.
Endri ÇINARI
