Thomas Strakosha vazhdon të shkëlqejë në kampionatin italian dhe tashmë është kthyer në një nga lojtarët më të rëndësishëm te Lacio. Në takimin e fundit ndaj Milanit, ku Lacio barazoi 1-1 një meritë të madhe kishte gardiani shqiptar që me pritjet e tij arriti të evitonte disa gola të sigurt, madje ishte edhe lojtari që nisi aksioni e golit në minutën e 94.
Ashtu si edhe në javët e tjera, Strakosha është në listën e futbollistëve më të mirë në Itali, ku në 20 lojtarët më në formë, Strakosha është i vetmi që nuk e ka humbur vendin nga futbollistët e Lacios.
Me kalimin e javëve, në këtë listë ka pasur edhe futbollistë si Imobile apo edhe Milinkoviç Saviç, ndërsa këtë javë mungojnë të dy. Majde, më keq akoma, mesfushori serb bën pjesë në listën e futbollistëve me formën më të dobët (Flop). Lacio tashmë ka një futbollist që i mban flamurin e nderit lart dhe është Strakosha.
