Harry Kane ka qenë ylli kryesor në Bundesliga këtë sezon, por sulmuesi anglez beson se ai nuk është lojtari më i mirë në skuadrën e Bayern Munich.
Sulmuesi 30-vjeçar shënoi një dygolësh kundër Heidenheim gjatë fundjavës, ndërsa bavarezët arritën në një fitore 4-2, por të dy golat e tij erdhën nga dy asiste të Leroy Sane.
Sipas Planet Sport, Kane tani e ka vlerësuar Sane si lojtarin më të mirë të Bayern Munich këtë sezon, duke e përshkruar ish-yllin e Manchester Cityt si njeriun që ngre skuadrën në momentet e vështira.
“Ai ka ritëm të madh dhe fuqi të jashtëzakonshme. Leroy është ndoshta lojtari ynë më i mirë deri më tani këtë sezon. Ai është fantastik. Edhe sot, kur ishte 2-2, pata ndjenjën se ai ishte lojtari që do të na ngrinte përsëri.
“Ai është një lojtar kaq i rëndësishëm për ne me aftësitë e tij. Dha dy asiste për mua përsëri, gjë që është fantastike. Shpresoj që ta ruajmë këtë lidhje”./telesport/
