Trajneri i Vllaznisë Hasan Lika ka folur në përfundim të ndeshjes ndaj Dinamos e cila u mbyll me fitoren e shkodranëve, 0-1.
Një fitore minimale dhe vuajtur, por e merituar dhe këtë gjë e ka konfirmuar dhe vet trajneri Lika.
“Ishte një fitore e vuajtur, por e merituar. I kemi lënë shumë hapësira kundërshtarit. Mendoj se futbollistët u përpoqën të gjenin edhe golin e dytë, ndërkohë në pjesën e dytë duhej të ishim në kontakt më të mirë me topin.
Futbollistët u futën në presionin e rezultatit dhe nuk kishim mundësi të krijonim avantazhin e duhur. Përsa i përket ecurisë në javët e ardhshme, ndeshjet janë të vështira.
Prandaj, duhet të punojmë më fort që të jemi më të kujdesshëm dhe të jemi më rezultativ në repartin e sulmit.” – u shpreh Lika pas ndeshjes.
Ndërkohë, i pyetur se a ndihet i shqetësuar për përgjysmimin e pikëve në fazën e tretë, Lika shtoi: “Jemi të përgatitur për përgjysmimin e pikëve në fazën e tretë, por do të vijojmë të punojmë fort në arritjen e objektivit.”/newsport/
