Ka aktivizuar 20 futbollistë në miqësoren e luajtur sot në drekë ndaj Burrelit dhe në fund ka dalë i kënaqur nga ajo çfarë ka prodhuar ky takim. Trajneri i Vllaznisë Hasan Lika në prononcimin e tij për mediat pas ndeshjes, është shprehur:
“Ishte një miqësore për shkak se kemi nevojë të aktivizojmë disa futbollistë që nuk kanë pasur hapësira, por edhe të tjerë që nuk luajtën për shkak të lodhjes ose gjendjes gripale.
Kjo miqësorja na shërbeu për të parë gjëndjen e lojtarëve të tjerë që kanë dëshirë të kontribuojnë për skuadrën. Ishte një ndeshje e mirë, në pjesën e dytë patëm një rritje të lojës duke krijuar raste.
Në ndeshje miqësore këto rezultate janë të pranueshme”. Kjo mund të jetë e drejtë sepse rezultatet në miqësore shpeshherë nuk vlejnë, aq më tepër kur trajnerët kërkojnë të bëjnë eksperimente dhe “t’u bëjnë qejfin” të gjithëve. Kështu ndodhi edhe me Vllazninë në ndeshjen e sotme ndaj Burrelit.
© shkodrasport.com
