Chelsea ka mposhtur Brighton në fushën e këtyre të fundit me rezultatin 4-0 falë golave të Hazard,Willian dhe Moses. Ishte një pasdite e rehatshme për vizitorët e udhëhequr nga Antonio Conte megjithëse skuadra kishte shumë mungesa në formacion si Morata dhe Pedro të cilët ishin të pezulluar për shkak të kartonëve të kuq të marrë në ndeshjen e mesjavës në FA Cup ndaj Norwich të cilën Blutë e fituan vetëm pas penalltive. Mendohej se Chelsea do ta kishte më të vështirë ndaj Brighton duke parë thatësirën përpara golit por Eden Hazard ishte në formë të mirë duke udhëhequr të tijtë drejt fitores.
Ishte Hazard ai që kaloi Chelsea-n në avantazh që në minutën e 3’ dhe Willian dyfishoi rezultatin vetëm tre minuta më pas një pasimi të Batshuaiy i cili kishte zënë vendin e Morata-s.Pas pushimit Eden Hazard dhe Moses vulosën gjithçka në minutën e 77’ dhe 89’ duke i dhënë tri pikë të rëndësishme skuadrës londineze që tashmë ndodhet në vend të tretë të renditjes me pikë të barabarta me Manchester United që ka një ndeshje më pak dhe luan ndaj Burnley-t në orën 4 të pasdites së sotme.Brighton do të vazhdojë luftën për të mos rënë nga kategoria dhe tashmë e pret një kalendar më i lehtë për ndeshjet e ardhshme ku do të ketë mundësinë të grumbullojë disa pikë./telesport/
