Ndriçim Shtubina ka bërë një sakrificë të veçantë gjatë ndeshjes së sotme me Laçin. Autori i golit të fitores së kurbinasve realizoi në minutën e dytë shtesë të ndeshjes me një goditje me kokën e çarë, me kuptimin e plotë të fjalës.
Futbollisti u gjakos në kokë që në fillimin e pjesës së dytë të ndeshjes së sotme ndaj Kamzës por pasi u mjekua dhe fashos nga stafi mjekësor, qëndroi në fushë duke shtrënguar dhëmbët.
Në fund të ndeshjes, një gjuajtje me kokë e tij solli golin që vendosi takimin, e padyshim edhe dhimbje të mëdha për plagën e futbollistit.
Kësisoj, menjëherë pas përfundimit të ndeshjes, lojtari i ka hipur makinës dhe është nisur drejt një prej spitaleve të Tiranës, pasi plaga që kishte marrë në kokë kishte nevojë për t’u qepur.
Një gol trepikësh, por i cilin me sa duket do t’i mbetet shenjë përgjithmonë futbollistit shkodran. /vipsport/
